ඇල්ල වැල්ලවාය මාර්ගයේ දී ඊයේ (04) රාත්රී සිදු වූ අනතුරින් 15 දෙනකු මියගොස් 18 දෙනකු තුවාල ලබා ඇතැයි පොලිසිය පවසයි.
මෙලෙස අනතුරට පත්වූයේ විනෝද චාරිකාවක ගොස් ආපසු යමින් සිටි තංගල්ල නගර සභා සේවකයන් පිරිසක් රැගත් බස් රථයකි. එම බසය රාවණ ඇල්ල ආසන්න 24 වැනි සැතපුම් කණුව ආසන්නයේ දී මාර්ගයේ ගමන් ගත් ජීප් රථයක ද ගැටී ප්රපාතයට පෙරැළී ඇත.
මියගිය පුද්ගලයන් අතර කාන්තාවන් 09 දෙනකු සහ පිරිමි පුද්ගලයන් 06 දෙනකු සිටින අතර, කාන්තාවන් 07 දෙනකු සහ පිරිමි පුද්ගලයන් 11 දෙනකු තුවාල ලබා රෝහල්ගත කර ඇත. රෝහල්ගත කර ඇති අය අතර ළමුන් 05 දෙනකු ද සිටින බව රෝහල් ආරංචිමාර්ග සඳහන් කරයි.
අනතුරට පත් වූ පුද්ගලයින් මුදාගැනීම සඳහා පොලීසිය, යුද හමුදාව, ගුවන් හමුදාව, ගිනි නිවීමේ සේවා දෙපාර්තමේන්තුව සහ ප්රදේශවාසින් දැඩි උත්සාහයක් ගෙන තිබිණි.
