චීනයෙන් ආනයනය කරනු ලබන භාණ්ඩ සඳහා 104%ක බද්දක් පැනවීමට ඇමෙරිකාව තීරණය කර තිබේ. එම බදු සංශෝධනය අද (09) සිට ක්‍රියාත්මක වීමට නියමිත බව විදෙස් මාධ්‍ය වාර්තා කරයි.
ඇමෙරිකානු ජනාධිපති ඩොනල්ඩ් ට්‍රම්ප් විසින් පසුගිය දා චීනය ඇතුළු රටවල් ගණනාවක ආනයන බදු සංශෝධනය කිරීම හේතුවෙන් චීනය භාණ්ඩ සඳහා 34%ක බද්දක් පනවා තිබිණි. ඉන් පසු චීනය ද ඇමෙරිකානු භාණ්ඩ ආනයනය සඳහා 34%ක් බදු පැනවීමට පියවර ගත්තේය.
ඊට විරෝධය පළකළ ඇමෙරිකානු ජනාධිපතිවරයා චීනය තම රටේ භාණ්ඩවලට පනවා ඇති බදු ඉවත් කිරීමට පියවර නොගන්නේ නම් ඇමෙරිකාවට ආනයනය කරන චීන භාණ්ඩ සඳහා 50%ක බද්දක් පනවන බව කියා සිටියේ ය.
ඉන් පසු ඇමෙරිකාව විසින් චීන ආනයනයන් සදහා 104%ක බදු පැනවීමට කටයුතු කර තිබේ.
