කොළඹ මහ නගර සභාව ඇතුළු පළාත් පාලන ආයතන 18ක මැතිවරණය පැවැත්වීම වළක්වාලමින් පනවා තිබූ අතුරු තහනම් නියෝගය ඉවත්කිරීමට අභියාචනාධිකරණය අද (11) නියෝග කළේය.
අභියාචනාධිකරණය අද මෙම නියෝගය ලබා දුන්නේ නීතිපතිවරයා විසින් ඉදිරිපත් කර තිබූ මෝසමක් සළකා බැලීමෙන් අනතුරුවය.
එම පළාත් පාලන ආයතන සඳහා ඉදිරිපත් කළ නාමයෝජනා පත්‍ර අතරින් ප්‍රතික්ෂේප කෙරුණු නාම යෝජනා පත්‍ර යළි භාරගන්නා ලෙස නියෝග නිකුත් කරමින් අභියාචනාධිකරණනය මෙම වාරණ නියෝගය ඉවත් කළේය.
අභියාචනාධිකරණයේ වැඩබලන සභාපති මොහොමඩ් ලෆාර් තාහීර් සහ ප්‍රියන්ත ප්‍රනාන්දු යන විනිසුරු මඩුල්ල විසින් මෙම නියෝගය නිකුත් කර ඇත.
