“දිට්වා” සුළි කුණාටුව යනු ශ්රී ලකා වෙරළට ඉතා ආසන්නව වර්ධනය වූ අසාමාන්ය කාලගුණික පද්ධතියකි. මෙය හදිසිියේ ම තීව්ර වී ශ්රී ලංකාව පුරා දින කිහිපයක් ම අසාමාන්ය ලෙස පැවැති අතර ඉන්දියන් සාගරයට සහ ශ්රී ලංකාවට දැවැන්ත ජල කඳක් මුදා හැරිණි.
මෑත කාලීන වසර 125ක ඉතිහාසයේ දී ශ්රී ලංකාවට සුළි කුණාටු 16ක බලපෑම් සිදුව ඇති අතර මෙය ඒ අතරින් ඉතාමත් කැපී පෙනෙන හානිකර බලපෑමක් සිදුකළ සුළි කුණාටුවක් බව කාලගුණ විද්යාඥයෝ කියති.
ප්රමාද සංවර්ධනය
බෙංගාල බොක්කේ සුළි කුණාටු ඇතිවීම අසාමාන්ය දෙයක් නොවේ. නමුත් එවැනි සුළි කුණාටු සාමාන්යයෙන් ඇති වන්නේ ශ්රී ලංකාවට ඈතිනි. කාලගුණ විද්යා දෙපාර්තමෙන්තුවේ අධ්යක්ෂ අජිත් විජේමාන්න පවසන්නේ එවැනි කාලගුණික පද්ධති බෙංගාල බොක්ක හරා කමන් කරන විට සතියක් හෝ ඊට වැඩි කාලයක් දක්වා පූර්ව අනතුරු ඇඟවීම් ලබාදෙන බවයි.
සාමාන්යයෙන් සුළි සුළං ඇතිවන අවස්ථාවල දී එම සුළං ප්රවාහන් නැගෙනහිර වෙරළ තීරයෙන් හෝ සමහර අවස්ථාවල දී ගිනිකොන දෙසින් ශ්රී ලංකාවට ඇතුළු වූ පසු දිවයින පුරා වේගයෙන් ගමන් කරන අතර දිවයිිනේ උතුරෙන් හෝ වයඹ දෙසින් පිට වේ. මෙම සුළලං දකුණේ සිට උතුරට ගමන් කරන්නේ නැත.
1978 දරුණු සුළි කුණාටුවක් ඇති වී තිබෙන අතර එය සවස 6.30ට පමණ මඩකලපුව ප්රදේශයෙන් රටට ඇතුළු වී එක් රැයකින් රට හරහා ගමන්කර පසු දා උදෑසන වනවිට මන්නාරම් බොක්කෙන් පිටවී ගොස් තිබේ.
නමුත් “දිට්වා” ඊට වඩා වෙනස් ස්වරූපයක් පෙන්නුම් කරයි. එය ශ්රී ලංකාවට දකුණින් නිවර්තන කැළඹීමක් ලෙස ආරම්භ විය. මෙම කැළඹීම තවදුරටත් තීව්ර වීමේ හැකියාවක් ඇති බව කල්තියා ම හඳුනාගෙන තිබිණි.
කාලගුණ විද්යාඥයින් ප්රධාන වශයෙන් තිරසාර සුළං වේගය මත පදනම්ව, ඉන්දියානු සාගරයේ කාලගුණ පද්ධති නිවර්තන කැළඹීම්, අවපාත, ගැඹුරු අවපාත, සුළි සුළං පද්ධති, දැඩි සුළි සුළං පද්ධති සහ සුපිරි දරුණු සුළි සුළං ලෙස වර්ගීකරණය කරයි.
ව්යාකූලයි
ආරම්භයේ දී මෙම කැළඹීම ව්යාකූල සංඥා ලබා දුන් අතර එහි ගමන් මාර්ගය පහසුවෙන් පුරෝකථනය කළ නොහැකි බව ශ්රී ලංකාවේ කාලගුණ විද්යා දෙපාර්තමේන්තුවේ දේශගුණික පර්යේෂක සහ හිටපු කාලගුණ විද්යාඥ ශිරෝමනී ජයවර්ධන පවසයි.
“විවිධ මාදිලි විවිධ ප්රතිඵල ලබා දුන්නා,” ඇය කීවාය.
නවදිල්ලියේ කලාපීය විශේෂිත කාලගුණ විද්යා මධ්යස්ථානය (RSMC) විසින් නිකුත් කරන ලද සුළි සුළං උපදේශනයට අනුව, නොවැම්බර් 26 වන දින පැය 2330 ට ECMWF ආකෘතිය (මධ්යම පරාස කාලගුණ අනාවැකි සඳහා යුරෝපීය මධ්යස්ථානය) පෙන්නුම් කළේ පද්ධතිය ශ්රී ලංකාවෙන් ඉවතට ගමන් කරනු ඇති බවයි.
අනෙකුත් කාලගුණ ආකෘති වෙනස් ප්රතිඵල පෙන්වා දුන් නමුත්, පද්ධතිය තීව්ර වන බවට එකඟතාවයක් තිබුණි.
“NCEP GFS පෙන්වා දුන්නේ මෙම කැළඹිලි සහිත කලාපය ඉදිරි පැය 72 තුළ ශ්රී ලංකාව හරහා නැගෙනහිර-ඊසාන දෙසට ගමන් කර ක්රමයෙන් තීව්ර වී ඉදිරි පැය 24 තුළ නිරිතදිග බෙංගාල බොක්ක වෙත මතු වනු ඇතැයි” යනුවෙනි.
“NCUM පෙන්වා දෙන්නේ, ශ්රී ලංකාවේ දකුණු වෙරළට ඔබ්බෙන් නිරිතදිග බෙංගාල බොක්කෙහි අඩු පීඩන ප්රදේශයක් පෙන්නුම් කරන අතර ඉදිරි පැය 24 තුළ නැගෙනහිර දෙසට මූලික චලනයක් පෙන්නුම් කරයි යනුවෙනි.
ඉදිරි පැය 24 තුළ එම කැළඹීම, අවපාතය දක්වා තීව්ර වීම සහ ඊළඟ පැය 48 තුළ තවදුරටත් තීව්ර වනු ඇතැයි යන්න සියලු ම පුරෝකථනයන් එකඟ වී තිබිණි.
“මාදිලි ධාවන පථයේ විශාල විචල්යතාවයක් පෙන්නුම් කරන අතර ඉන් පසුව තවදුරටත් තීව්ර වේ.” යනුවෙන් දැක්විණි.
කෙසේ වෙතත්, ඉන්දියානු සාගරය සඳහා අවසාන කාලගුණික උපදේශනය නිකුත් කිරීමේ වගකීම RSMC නවදිල්ලිය සතුය.
ලෝක කාලගුණ විද්යා සංවිධානය (WMO) සහ ආසියා සහ පැසිෆික් ආර්ථික හා සමාජ කොමිසම (ESCAP) එක්ව 1972 දී ඉන්දියානු සාගරය සහ අරාබි මුහුද ආවරණය කිරීම සඳහා නිවර්තන සුළි සුළං පිළිබඳ මණ්ඩලය (TCP) පිහිටුවන ලදී.
TCP යනු බංග්ලාදේශයේ සුළි කුණාටු හේතුවෙන් 300,000 කට අධික පිරිසක් (සමහර ඇස්තමේන්තු අනුව 500,000) මිය ගිය භෝලා සුළි කුණාටුවේ ප්රතිඵලයකි.
රටවල් කිහිපයක් විවිධ උපදේශන ලබා දෙන්නේ නම්, එම මත ව්යාකූල වන බැවින් කලාපය පුරා ගුවන් සංචලනය ද දුෂ්කර වනු ඇතැයි ජයවර්ධන පෙන්වා දුන්නාය.
එබැවින් සාමාජික රටවල් TCP හරහා RSMC නවදිල්ලිය සමඟ නිතිපතා සන්නිවේදනය කරයි.
ගංවතුර අනතුරු ඇඟවීම්
ඉදිරි පැය 24 තුළ ශ්රී ලංකාවට නිරිත දෙසින් අඩු පීඩන ප්රදේශයක් ඇතිවීමේ හැකියාව පිළිබඳව RSMC විසින් නොවැම්බර් 23 වන දින පළමු උපදේශනය නිකුත් කරන ලදී.
24 වන දින RSMC විසින් දකුණු බෙංගාල බොක්කෙහි සහ අන්දමන් මුහුදේ පීඩන අවපාතයක් ඇති වීමේ “ඉහළ සම්භාවිතාවක්” පවතින බවත්, 27 වන දින පමණ “සුළි කුණාටුවක් දක්වා එය තවදුරටත් තීව්ර වන” බවත් උපදේශනයක් නිකුත් කර තිබුණි.
නිවර්තන කැළඹීම් පිළිබඳ මූලික සොයාගැනීම් මත පදනම්ව, කාලගුණ විද්යා දෙපාර්තමේන්තුව ශ්රී ලංකාව ද භාවිතා කරන ECMWF ආකෘතිය භාවිතා කරමින් අධික වැසි සඳහා පුරෝකථනයක් නිකුත් කර තිබුණි.
ඒ මත පදනම්ව, ශ්රී ලංකාවේ වාරිමාර්ග දෙපාර්තමේන්තුව නොවැම්බර් 25 වන දින පෙ.ව. 0900 ට පූර්ව ගංවතුර පිළිබඳ අවවාදාත්මක නිවේදනයක් නිකුත් කළේය .
” දකුණු අන්දමන් මුහුද ආශ්රිතව වර්ධනය වන අඩු පීඩන පද්ධතියක් සහ ඉදිරි දිනවලදී එහි විභව තීව්රතාවය සහ ඒ ආශ්රිත බලපෑම්, යුරෝපීය මධ්යම පරාස කාලගුණ අනාවැකි මධ්යස්ථානයේ ආකෘති භාවිතා කරමින් කාලගුණ විද්යා දෙපාර්තමේන්තුව විසින් විශ්ලේෂණය කර පුරෝකථනය කර ඇත,” වාරිමාර්ග දෙපාර්තමේන්තුවේ ගංවතුර සූදානම සඳහා වන පූර්ව උපදේශනයේ දැක්විණි. .
“ඒ අනුව, උතුර , උතුරු මැද, නැගෙනහිර, දකුණ, ඌව සහ බස්නාහිර පළාත්වල මිලිමීටර් 200 ඉක්මවන ඉතා තද වර්ෂාපතනයක් ඇතිවීමේ හැකියාව මෙන්ම රටේ අනෙකුත් ප්රදේශවල සැලකිය යුතු වර්ෂාපතනයක් ඇතිවීමේ හැකියාව පිළිබඳව නිල උපදේශන නිකුත් කර ඇත .”
“අපේක්ෂිත ගංවතුර අවදානමට ප්රතිචාර වශයෙන් අවශ්ය සියලු සූදානම සහ අවම කිරීමේ පියවර ගන්නා ලෙස අදාළ ආපදා කළමනාකරණ බලධාරීන්ගෙන් මෙයින් ඉල්ලා සිටිමු.”
ශ්රී ලංකාවේ සාමාන්ය ජනතාව සහ මේ සඳහා වගකිව යුතු රාජ්ය ආයතන ප්රධානීන් සහ දේශපාලන අධිකාරිය එම පණිවිඩය කොතරම් බැරෑරුම් ලෙස සැලකුවාද යන්න පිළිබඳ තවමත් පැහැදිලි නැත.
ශ්රී ලංකාවේ වර්ෂාව දිගටම පැවතීම නිසා වාරිමාර්ග දෙපාර්තමේන්තුව යාන්ඔයට ගංවතුර අනතුරු ඇඟවීම් නිකුත් කර තිබුණි. ගල් ඔය. හැඩ ඔය, කුඹුක්කන් ඔය, මාදුරු ඔය, මහවැලි සහ මුන්දේනි ආරු සඳහා ද ගංවතුර අවදානම් නිවේදන නොවැම්බර් 26 දා නිකුත් කෙරිණි.
එක තැනක
නොවැම්බර් 27 වන දින අලුයම 2.ෙ30 ට පමණ, කැළඹීම නිරිතදිග බෙංගාල බොක්ක සහ යාබද ශ්රී ලංකා වෙරළ තීරයේ අක්ෂාංශ 5.9°N සහ දේශාංශ 82.6°E ආසන්නයේ, හම්බන්තොට සිට කිලෝමීටර් 170 ක් පමණ නැගෙනහිරින් සහ මඩකලපුවට කිලෝමීටර් 210 ක් පමණ ගිනිකොන දෙසින් ස්ථාපිත වී පැවතුනි.
“එය ශ්රී ලංකාවට යාබදව නිරිතදිග බෙංගාල බොක්ක හරහා උතුරු-වයඹ දෙසට ආසන්නව ගමන් කර ඉදිරි පැය 12 තුළ ගැඹුරු පීඩන අවපාතයක් දක්වා තවදුරටත් තීව්ර වීමට බොහෝ දුරට ඉඩ ඇත,” යනුවෙන් RSMC අනතුරු ඇඟවීමේ සඳහන් වේ.
“ඉන්පසු, එය තවදුරටත් තීව්ර වී ඉදිරි පැය 48 තුළ නිරිතදිග බෙංගාල බොක්ක සහ යාබද ශ්රී ලංකා වෙරළ තීරය හරහා උතුරු-වයඹ දෙසට ගමන් කර උතුරු තමිල්නාඩු, පුදුචෙරි සහ යාබද දකුණු ආන්ද්රා ප්රදේශ් වෙරළ තීරය දෙසට ගමන් කිරීමට බොහෝ දුරට ඉඩ ඇත.” යනුවෙන් ද පුරෝකථනය කෙරිණි.
කෙසේ වෙතත් මෙවැනි විවිධ වායුගෝලීය කැළඹීම් විවිධ ප්රතිඵල ලබාදෙන බැවින් ස්ථිර මාවතක් එතෙක් පුරෝකථනය කළ නොහැකි විය, නමුත් සියලු අනාවැකි පෙන්නුම් කළේ පද්ධතිය ගැඹුරු අවපාතයක් දක්වා තීව්ර වන බවයි.
උතුරට අංශක 5 ත් දකුණු අක්ෂාංශ අංශක 5 ත් අතර සමකයට ආසන්නව, ඊනියා අඳුරු කාලගුණය තුළ, සුළි කුණාටු සාමාන්යයෙන් ඇති නොවන බව ජයවර්ධන කියන්නීය.
මෙයට හේතුව කොරියෝලිස් බලය නොමැතිකම හෝ දැඩි ලෙස අඩුවීමයි , එනම් පෘථිවියේ භ්රමණය හේතුවෙන් වායු ස්කන්ධ භ්රමණය වීමේ ප්රවණතාවයයි.
අන්තර් නිවර්තන අභිසාරී කලාපයේ අංශක 5 ට වඩා යන්තම් 1 ක් පමණක් ඉහළ උෂ්ණත්වයකදී කාලගුණ පද්ධතිය නිර්මාණය වෙමින් පැවතුනේ, වර්ධනය වී ඇති හිතකර තත්වයන් හේතුවෙනි.
ඒ වන විට බෙංගාල බොක්ක හරහා තවත් විනාශකාරී ලෙස සෙන්යාර් කුණාටුව ද ඇතිවී තිබිණි.
“දිට්වා” වර්ධනය වූ සුවිශේෂී තත්වයන්ට දායක වූ සෙන්යාර්ගේ කිසියම් බලපෑමක් හෝ අන්තර්ක්රියාවක් තිබේද යන්න පැහැදිලි නැත. සෙන්යාර් අංශක 3.8 ක් පමණ උතුරින් ස්ථාපිතව තිබූ අතර එය දිට්වාට වඩා පහළින් සුළි කුණාටුවක් බවට පත් කරයි.
පැය තුනකට පෙර රැස් කරන ලද දත්ත මත පදනම්ව, නොවැම්බර් 27 වන දින පෙ.ව. 5.30 (0000 UTC) වන විටත් ශ්රී ලංකාව ආසන්නයේ තිබූ කැළඹිලි සහිත කාලගුණික පද්ධතිය චලනය වෙමින් නොතිබුණි. කෙසේ වෙතත්, ශ්රී ලංකාවේ තද වැසි ඇද හැලෙමින් තිබුණි.
හම්බන්තොට සිට කිලෝමීටර් 160 ක් පමණ නැගෙනහිරින් සහ මඩකලපුවට කිලෝමීටර් 220 ක් පමණ ගිනිකොන දෙසින්, උතුරු අක්ෂාංශ 5.9° සහ නැගෙනහිර දේශාංශ 82.5° හි අවපාතය “ප්රායෝගිකව ස්ථාවර” වූ බව RSMC පෙන්වා දෙයි.
සුළි කුණාටුවක් දක්වා තීව්ර වීම
නොවැම්බර් 27 වන දින උදෑසන 10.30 ට (UTC වේලාව 4.30) කාලගුණ පද්ධතිය චලනය වන බව RSMC උපදේශනය පෙන්වා දී ඇත. එම කැළඹිලි සහිත පද්ධතිය සුළි කුණාටුවක් බවට පත්වෙමින් පවතින බවට ඔවුන් ස්ථිර අනතුරු ඇඟවීමක් නිකුත් කරන ලදී.
එම අනතුරු ඇඟවීමේ නිවේදනයේ මෙලෙස දැක්වේ.
“නිරිතදිග බෙංගාල බොක්ක සහ යාබද ශ්රී ලංකා වෙරළ තීරයේ පැවති පීඩන අවපාතය පසුගිය ගත වූ පැය 06 තුළ පැයට කිලෝමීටර 08 ක වේගයෙන් උතුරු – වයඹ දෙසට ගමන් කර, ගැඹුරු පීඩන අවපාතයක් දක්වා තීව්ර වී අද, 2025 නොවැම්බර් 27 වන දින UTC 0000 හි එම කලාපයටම ඉහළින්, හම්බන්තොට (ශ්රී ලංකාව) සිට කිලෝමීටර 150 ක් පමණ නැගෙනහිරින් සහ මඩකලපුව (ශ්රී ලංකාව) සිට කිලෝමීටර 170 ක් පමණ ගිනිකොන දෙසින් පිහිටා ඇත.
“මෙය නිරිතදිග බෙංගාල බොක්ක සහ ශ්රී ලංකාව යාබදව උතුරු-වයඹ දෙසට ගමන් කරමින් ඉදිරි පැය 12 තුළ සුළි කුණාටුවක් දක්වා තවදුරටත් තීව්ර වීමට බොහෝ දුරට ඉඩ ඇත.”
මෙම නිවේදනයත් සමඟ බහුවිද ආකෘතීන් වලින් සමාන ප්රතිඵල ලබා දෙමින් මෙම පද්ධතියේ ගමන් මඟ සම්බන්ධයෙන් ස්ථිර මාවතක් ප්රක්ෂේපණය කරන ලදී.
සාමාන්යයෙන් ගොඩබිමට ඇතුළු වූ පසු සුළි කුණාටු වල තීව්රතාවය අඩු වේ. කෙසේ වෙතත්, දිට්වා මහ මුහුදෙන් තෙතමනය ඇද ගනිමින් ගොඩබිම හරහා ගමන් කරන අතරතුර දිනකට මිලිමීටර් 300 ක් දක්වා ජලය බැහැර කරයි.
දිවයින හරහා අඩ දිනක් ඇතුළත හමා ගිය අනෙකුත් බොහෝ සුළි කුණාටු මෙන් නොව, දිට්වා දිවයින තුළ දී පැයට කිලෝමීටර් 05 සිට 08 දක්වා ඉතා සෙමින් ගමන් කළේය.
ඉන්දියාවට ඉහළින් ඇති අධි පීඩන ප්රදේශයක් නිසා මෙම පද්ධතිය එයින් ඉවතට තල්ලු කර වඩාත් මන්දගාමී කිරීම සිදු වූ බව විජේමාන්නගේ පෙන්වාදෙයි.
ශ්රී ලංකාවේ මධ්යම කඳුකරයට වැඩිම වර්ෂාපතනයක් ලැබෙන්න් මෙවැනි සුළි සුළං සහිත වායුගොලීය පද්ධිත සහ මෝසම් සුළංවලිනි. සුළඟ කඳු බෑවුම් ඉහළට ගෙන යන විට ජලය වැසි බවට ඝනීභවනය වේ (භූගෝලීය ආචරණය), එමඟින් කඳුකරයට වැසි ඇති වේ.
සාමාන්යයෙන් සුළි සුළං නැගෙනහිරින් ඇතුළු වන බැවින්, ජලගැල්ම මධ්යම කඳුකරයේ එක් පැත්තකට සීමා වීම අතීතයේ පටන් දක්නට ලැබුණු දෙයකි.
නමුත් මෙවර කඳුකරයේ සෑම පැත්තක්ම අධික වර්ෂාපතනයෙන් යටවී ගිය අතර, මහනුවර සහ ගම්පොළ මහවැලි ගඟේ ඉහළට සහ බටහිර බෑවුම්වල කිතුල්ගලට මෙන්ම බදුල්ලට ද මහ වැසි ඇද හැළිනි. එමෙන් ම සම්පූර්ණයෙන්ම පැහැදිලි නැති හේතූන් මත කඳුකරය හරහා වාතය සෑම දිශාවකටම ඇදී යනු දක්නට ලැබිණි.
පද්ධතිය උතුරු දෙසට ගමන් කරන විට, සුළි කුණාටුවේ අසාමාන්ය ගමන් මාර්ගය මධ්යම කඳුකරයට විවිධ පැතිවලින් දැඩි ආපදා තත්වයක් ඇතිවීමට හේතු විය.
ශ්රී ලංකාවේ දකුණේ සිට උතුරට ගමන් කරන සුළි කුණාටු ඉතා දුර්ලභ වන අතර, එවැනි එකක් 1931 දී ඇති වූ නමුත් එය වෙරළට ඔබ්බෙන් කේන්ද්රගත වූ බව විජේමාන්නගේ පැවසීය. දකුණේ සිට උතුරට ගමන් කළ තවත් සුළි කුණාටුවක් 1908 දී පමණ ශ්රී ලංකාවට ඇතුළු වී තිබිණි.
වර්ගීකරණය අනුව දරුණු සුළි කුණාටුවක් නොවේ
සුළි කුණාටු වර්ගීකරණය කරන ජාත්යන්තර නිර්ණායක අනුව දිට්වා සුළි කුණාටුව දරුණු සුළි කුණාටුවක් නොවේ. එහි සුළං වේගය පැයට කිලෝ මීටර 89ට අඩු බැවින් මෙය පළමු මට්ටමේ සුළි කුණාටුවක් ලෙස වර්ගීකරණය වෙයි.
දරුණු සුළි සුළං (SCS), ඉතා දරුණු සුළි සුළං සහ සුපිරි දරුණු සුළි සුළං යන වර්ගීකරණ අනුව ඒවා අතිශය දරුණුය.
1978 දී ශ්රී ලංකාවට බලපෑ සුළි කුණාටුව පැයට කිලෝමීටර් 200 ක පමණ වේගයෙන් හමා ගොස් ඇති අතර, එය වඩාත් විනාශකාරී විය, නිවාසවල වහළවල් විනාශ වී ගියේය, පොල් ගස් ඇතුළු ගස් වර්ග රැසක් මුලිනුපුටා දැමිණි. එය අතිශය විනාශකාරී සුළි කුණාටුවකි.
මෙවර ඇති වූ දිට්වා සුළි කුණාටුව අනෙකුත් සුළි කුණාටු හා සසඳන විට ගස් වැටීමෙන් සිදුවන හානිය අඩුය.
දිට්වා පළමු මට්ටමේ සුළි කුණාටුවක් වුව ද එමගින් රටපුරා දැඩි විනාශයක් ඇති වූයේ මෙය ඉතාමත් මන්දගාමී ලෙස ගමන් කිරීම, එහි මාර්ගය වෙරළ ආසන්නයෙන් වැටී තිබීම නිසා දැඩි ජල කඳක් දින ගණනාවක් පුරා නොනවත්වා දැඩි වර්ෂාවක් ලෙස ඇදහැලීම යන කරුණු හේතුවෙනි.
දිට්වා කිලෝමීටර් 05 සිට 08 දක්වා සෙමින් ගමන් කළ අතර කාලගුණ පද්ධතිය සුළි කුණාටුවක් බවට පත්වීමට පෙර දින තුනක් තිස්සේ මහ වැසි ඇදහැළුණු භූමියක දින දෙකක් රැඳී තිබිණි.
මෙහි ප්රතිඵලය වූයේ දැඩි ගංවතුරක් ඇතිවීම සහ කඳු විශාල වශයෙන් නායයාමයි.
කෙසේ වෙතත් ගෝලීය කාලගුණික විපර්යාස අනුව මෙවැනි මන්දගාමී සුළි සුළං අනාගතයේ දී නිරීක්ෂණය කළ හැකිවනු ඇතැයි යන්න කාලගුණ විද්යාඥයන්ගේ අදහසයි.
නිවර්තන කුණාටු ඇතිවන කලාප හා සංසන්දනය කිරීමේ දී ගොඩබිමට ඇතුළුවන සුළි සුළං ශ්රී ලංකාවට කඩාවදින්නේ සාපේක්ෂව කලාතුරකිනි. බංග්ලාදේශය සහ ඉන්දියාව සෑම වසරකදී ම මෙවැනි සුළි සුළංවලට ගොදුරු වේ.
ෙමේ වසරේ වියට්නාමයට 15 වන ටයිෆූන් කුණාටුව ද බලපා ඇති අතර, පීඩාවට පත්වූවන් නැවතත් ආරක්ෂිත ස්ථාන වෙත ගෙන යන ලදී. එයින් මේ වනවිට පුද්ගලයින් 409 දෙනෙකු මිය ගොස් ඇත. මෙම වසරේ ටයිෆූන් සහ පීඩන අවපාත 21 ක් වාර්තා වී ඇති අතර එය 2017 දී වාර්තා වූ 20 ක වාර්තාවට වඩා ඉහළ අගයක් ගනී.
ඒ අනුව සළකා බැලූ විට ශ්රී ලංකාවට සුළි කුණාටු මගින් සිදුවන හානිය ඉතාමත් අවම මට්ටමක පවතී.
මෙම ලිපිය economynext.com වෙබ් අඩවියේ පළවූ ලිපියක සිංහල පරිවර්ථනයකි. එම මුල් ලිපියේ සබැඳිය මෙතැනින්
