රත්නපුර මහ නගර සභාවේ අයවැය දෙවනවර කියවීම ද අද (19) පරාජයට පත්විය.
ජාතික ජන බලවේගයට බලය හිමිව ඇති රත්නපුර මහ නගර සභාවේ නගරාධිපති අයවැය දෙවැනිවරට ඉදිරිපත් කිරීමෙන් පසු ඒ සඳහා ඡන්ද විමසීම පැවැත්ණි. ඡන්දය විමසන අවස්තාවේ දී සභාවේ සභිකයන් සියලු දෙනා (27) ම රැඳී සිටි අතර අයවැයට විරුද්ධව ඡන්ද 14ක් ද අයවැයට පක්ෂව ඡන්ද 13ක් ද ලැබිණි.
ඒ අනුව වැඩි ඡන්ද 01කින් අයවැය පරාජයට පත්විය.
ශ්රී ලංකා නිදහස් පක්ෂයේ සභිකයකු වන එල්.පී.ලියනාරච්චි අයවැයට පක්ෂව ඡන්දය ලබාදීම ද මෙහි දී කැපී පෙණිනි.
අයවැය පරාජයට පත්වීමෙන් පසු මාධ්ය සාකච්ඡාවක් පැවැත්වූ විරුද්ධව ඡන්දය ලබාදුන් කණ්ඩායම කියා සිටියේ අසාමාන්ය ලෙස බදු වැඩි කිරීම හේතුවෙන් තමන් අයවැය පරාජය කිරීමට තීරණය කළ බවයි.
