ඕස්ට්රේලියාවේ දී සිදුකළ පරීක්ෂණයක දී ආසන පටි දෝෂයක් සොයා ගැනීම හේතුවෙන් සුසුකි ෆ්රොන්ක්ස් රථයේ හිමිකරුවන්ට එහි පසුපස ආසනවල මගීන් රැගෙන යාම නවත්වන්න යැයි සුසුකි සමාගම දැනුම් දී තිබේ.
ඕස්ට්රේලියාවේ නව මෝටර් රථ තක්සේරු වැඩසටහන (ANCAP) මගින් මෙම දෝෂය හඳුනාගනෙ ඇති අතර ඒ අනුව පසුපස ආසන පටි ප්රතිග්රාහකය පරීක්ෂා කිරීමේ දී අසමත්ව ඇත.
දෝෂයට හේතුව තීරණය කර අලුත්වැඩියා කටයුතු අවසන් වන තුරු වැඩිහිටියන් සහ ළමයින් වාහනයේ පිටුපස ආසනවල ගමන් නොකළ යුතු බවත්, දෝෂය “දුර්ලභ හා බරපතල” බවත් ANCAP ප්රධාන විධායක නිලධාරී කාර්ලා හූර්වෙග් පවසයි.
ඕස්ට්රේලියාවේ සුසුකි වාහන 324 ක් ආවරණය වන පරිදි ආපසු කැඳවීමක් නිකුත් කර ඇති අතර, පසුපස ආසන භාවිතා කිරීම වහාම නතර කරන ලෙස හිමිකරුවන්ට උපදෙස් දී තිබේ. අනතුරකදී හෝ අධික තිරිංග යෙදීමකදී අධික පටි දිග මුදා හැරීමට මෙම දෝෂය හේතු විය හැකි බව සමාගම පැවසීය.
සුසුකි පැවසුවේ පාරිභෝගික ආරක්ෂාව එහි ඉහළම ප්රමුඛතාවය ලෙස පවතින නමුත් ගැටලුව විසඳන්නේ කෙසේද යන්න තවමත් විස්තර කර නොමැති බවයි. ඉන්දියාවේ නිෂ්පාදනය කරන ලද SUV රථයක් වන Fronx අගෝස්තු මාසයේදී ඕස්ට්රේලියාවේ අළෙවිය ආරම්භ කරන ලද අතර මේ වනවිට එම මාදිලියේ වාහන 1,600 ක් පමණ දේශීයව අලෙවි වී තිබේ.
අනෙකුත් අඩු වියදම් මාදිලිවල මෑතකදී හඳුනාගත් ගැටලු හේතුවෙන් මෙම අසාර්ථකත්වය ඇති වූ බව ANCAP පැවසූ අතර වෙළඳපොළට නිකුත් කිරීමට පෙර වාහන පරීක්ෂා කිරීම සඳහා ඉදිරිපත් කරන ලෙස නිෂ්පාදකයින්ගෙන් ඉල්ලා සිටියේය.
