ලංකා සතොස ලොරියක් අවභාවිත කිරීම සම්බන්ධයෙන් සිදු කෙරෙන පරීක්ෂණයකට අදාළව, හිටපු අමාත්ය ජොන්ස්ටන් ප්රනාන්දු අද (05) අත්අඩංගුවට ගෙන ඇත. පොලිස් මූල්ය අපරාධ විමර්ශන කොට්ඨාසයට (FCID) පැමිණ ප්රකාශ ලබා දීමෙන් අනතුරුව මෙම අත්අඩංගුවට ගැනීම සිදුකර තිබේ.
මෙම සිද්ධිය සම්බන්ධයෙන් හිටපු අමාත්යවරයාට අද FCID වෙත පැමිණෙන ලෙස දැනුම් දී තිබූ අතර, ඔහු අත්අඩංගුවට ගැනීම සඳහා පොලිසිය විසින් විමර්ශනයක් ආරම්භ කර තිබුණි. එම ලොරිය අවභාවිත කිරීමෙන් රාජ්යයට මුල්ය පාඩුවක් සිදුව ඇති බවට සැක පළ වෙයි.
එමෙන්ම, හිටපු අමාත්යවරයාගේ බාල පුතා වන ජෙරෝම් කෙනත් ප්රනාන්දු ද මෙම සිද්ධියට අදාළව අද FCID විසින් අත්අඩංගුවට ගෙන ඇත. ජොන්ස්ටන් ප්රනාන්දු සහ ඔහුගේ පුත්රයා යන දෙදෙනාම අද FCID වෙත කැඳවා ප්රකාශ ලබා ගැනීමෙන් පසු අත්අඩංගුවට ගත් බව පොලිස් ආරංචි මාර්ග සඳහන් කරයි.
මෙම විමර්ශනය සිදු වන්නේ, ජොන්ස්ටන් ප්රනාන්දු සමූපකාර අභ්යන්තර වෙළඳ අමාත්යවරයා ලෙස කටයුතු කළ සමයේ සිදුවූ බව කියන සිද්ධියක් සම්බන්ධයෙනි.
මේ අතර, හිටපු අමාත්යවරයාගේ වැඩිමහල් පුත්රයා වන ජොහාන් ප්රනාන්දු පසුගිය සතියේදී මෙමම සිද්ධිය සම්බන්ධයෙන් අත්අඩංගුවට ගෙන රක්ෂිත බන්ධනාගාරගත කර තිබේ. හිටපු අමාත්යවරයාට අයත් එතනෝල් සමාගමේ භාවිතය සඳහා සතොස ලොරියක්, යොදාගෙන ඇති බවට එල්ල වූ චෝදනා මත ඔහු අත්අඩංගුවට ගැනුණි.
එම සිද්ධියට අදාළව, ජොන්ස්ටන් ප්රනාන්දු අමාත්යවරයාගේ කාලය තුළ ලංකා සතොසයේ ප්රවාහන කළමනාකරු ලෙස කටයුතු කළ ඉන්දික රත්නමලල නැමැති අය ද ඊයේ (04) අත්අඩංගුවට ගෙන රක්ෂිත බන්ධනාගාරගත කර ඇත. ඔහුට එරෙහි චෝදනාව වන්නේ, ව්යාජ ලේඛන සකස් කරමින්, සතොසයට අයත් ලොරිය හිටපු අමාත්යවරයාට අයත් එතනෝල් සමාගමේ භාවිතයට ඉඩ සැලසූ බවයි. එම ක්රියාව හිටපු අමාත්යවරයාගේ පුත්රයාගේ ප්රයෝජනය සඳහා සිදු කළ බවට පොලිසිය සැක පළ කරයි.
මෙම සිද්ධිය සම්බන්ධයෙන් වැඩිදුර විමර්ශන FCID විසින් සිදු කෙරෙමින් පවතී.
