බෙංගාලබොක්කේ ශ්රී ලංකාවට ගිනිකොණ දිශාවෙන් ස්ථාපිතව ඇති අඩු පීඩන කලාපය ඉදිරි පැය 12 දී පීඩන අවපාතයක් දක්වා වර්ධනය විය හැකි බවට කාලගුණ විද්යා දෙපාර්තමේන්තුව අනතුරු අඟවයි.
එය බටහිරට නැඹුරුව වයඹ දෙසට ගමන් කරමින් දිවයිනේ නැගෙනහිර වෙරළ දෙසට ළඟාවනු ඇතැයි ද එම දෙපාර්තමේන්තුව පුරෝකථනය කරයි.
මෙහි බලපෑමෙන් ජනවාරි 08 එනම් හෙට සිට දිවයිනේ, උතුර, උතුරුමැද, නැගෙනහිර, ඌව සහ මධ්යම පළාත්වල වැසි තත්වයේ වැඩිවීමක් බලාපොරොත්තු වේ.
ඌව පළාතේත් මඩකලපුව, අම්පාර, පොළොන්නරුව, මාතලේ සහ හම්බන්තොට දිස්ත්රික්කවලත් විටින් විට වැසි ඇතිවිය හැකි බව කාලගුණවිද්යා දෙපාර්තමේන්තුව සඳහන් කරයි.
මෙම ප්රදේශවල ඇතැම් ස්ථානවලට මි.මී. 50ට වැඩි තරමක් තද වැසි ඇති විය හැකියි.
උතුරු පළාතෙත්, අනුරාධපුර, සහ ත්රිකුණාමලය දිස්ත්රික්ක වලත් වැසි වාර කිහිපයක් ඇති වේ.
සෙසු ප්රදේශවල පස්වරු 1.00 න් පමණ පසුව තැනින් තැන වැසි හෝ ගිගුරුම් සහිත වැසි ඇති විය හැකියි.
මධ්යම කඳුකරයේ නැගෙනහිර බෑවුම් ප්රදේශවලත්, උතුරු, උතුරු-මැද, වයඹ සහ නැගෙනහිර පළාත්වලත්, හම්බන්තොට, ගම්පහ, කොළඹ සහ මොණරාගල දිස්ත්රික්කවලත් විටින් විට හමන පැයට කිලෝමීටර 50 පමණ තද සුළං ඇති විය හැකි බව කාලගුණවිද්යා දෙපාර්තමේන්තුව නිවේදනය කරයි.
ගිගුරුම් සහිත වැසි සමග ඇතිවිය හැකි තාවකාලික තද සුළංවලින් සහ අකුණු මඟින් සිදුවන අනතුරු අවම කර ගැනීමට අවශ්ය පියවර ගන්නා ලෙස කාලගුණවිද්යා දෙපාර්තමේන්තුව ජනතාවගෙන් ඉල්ලා සිටී.
