දිවයිනේ පවතින උණුසුම් කාලගුණික තත්ත්වය ඉදිරියටත් බලාපොරොත්තු විය හැකි බව කාලගුණ විද්යා දෙපාර්තමේන්තුව අද (31) නිකුත් කළ නිවේදනයක සඳහන් වේ.
දිවයිනේ බොහෝ ප්රදේශවල වියලි කාලගුණයක් පැවතියද, ප්රදේශ කිහිපයකට වැසි සහිත තත්ත්වයක් ද අපේක්ෂා කෙරේ. ඒ අනුව,
- වැසි තත්ත්වය: බස්නාහිර සහ සබරගමුව පළාත්වලත්, ගාල්ල සහ මාතර දිස්ත්රික්කවලත් අද සවස් කාලයේ හෝ රාත්රී කාලයේදී ස්ථාන ස්වල්පයක වැසි හෝ ගිගුරුම් සහිත වැසි ඇති විය හැක.
- මීදුම් සහිත තත්ත්වය: මධ්යම, සබරගමුව සහ ඌව පළාත්වලත්, ගාල්ල සහ මාතර දිස්ත්රික්කවලත් ඇතැම් ස්ථානවල අළුයම් කාලයේදී මීදුම් සහිත තත්ත්වයක් පැවතිය හැකියි.
- අනතුරු ඇඟවීම්: ගිගුරුම් සහිත වැසි ඇති වන අවස්ථාවලදී තාවකාලික තද සුළං සහ අකුණු මගින් සිදුවන අනතුරු අවම කර ගැනීමට අවශ්ය පියවර ගන්නා ලෙස කාලගුණ විද්යා දෙපාර්තමේන්තුව ජනතාවගෙන් කාරුණිකව ඉල්ලා සිටියි.
සෙසු ප්රදේශවල ප්රධාන වශයෙන් වියලි කාලගුණික තත්ත්වයක් පවතිනු ඇතැයි එම නිවේදනයේ වැඩිදුරටත් සඳහන් වේ.
