ජයවර්ධනපුර විශ්වවිද්‍යාලයේ ශිෂ්‍යාවකට කොරෝනා ආසාදනය වී ඇති බවට අනාවරණය වීමත් සමඟ කළමනාකරණ පීඨයේ නේවාසිකාගාරවල සිටින සිසු න් ස්වයං නිරෝධායනයට යොමු කර තිබේ.
ශ්‍රී ජයවර්ධලපුර විශ්වවිද්‍යාලයේ උපකුලපති ජ්‍යේෂ්ඨ මහාචාර්ය සුදන්ත ලියනගේ මහතා කියා සිටියේ සිසුන් 50ක පමණ පිරිසක් මෙලෙස ස්වයං නිරෝධායනයට යොමු කර ඇති බවයි. කොවිඩ් ආසාදනය වී ඇත්තේ කළමනාකරණ පීඨයේ තෙවැනි වසරේ අධ්‍යාපනය ලබන පානදු පදිංචි ශිෂ්‍යාවකටය.
ඇය ප්‍රතිකාර සඳහා අයිඩීඑච් රෝහලට ඇතුළත් කර ඇති අතර ඇය සමග සිටි වේයන්ගොඩ පදිංචි ශිෂ්‍යාවකගේ ද පීසීආර් පරීක්ෂණයක් සිදුකර ඇත.
