ඇල්ල වැල්ලවාය මාර්ගයේ දී ඊයේ (04) රාත්‍රී 15 දෙනකුට මරු කැඳවිමින් අනතුරට පත්වූ බස් රථයේ රියදුරා අවසන් මොහොතේ බස් රථයේ තිරිංග ක්‍රියා නොකරන බව කීවේ යැයි තුවාල ලැබූවෙකු පවසයි.
බදුල්ල රෝහලේ ප්‍රතිකාර ලබමින් සිටින අයකු පවසන්නේ මෙවැනි කතාවකි.
“මම හිටියේ බස් එකේ ඉස්සරහා බොනට් එක ළඟ. රියදුරා පැත්තට පැත්තට බස් එක අරගෙන එක පාරටම කිව්වා බ්‍රේක් නෑ කියලා. එතකොට මමත්, කොන්දොස්තරත් අනෙක් අයත් එයාට හිනා වුණා. රියදුරා එතකොට කිව්වා බොරුවක් නෙවෙයි ඇත්තටම බ්‍රේක් නෑ කියලා. මේ කතාව කියලා පොඩි වෙලාවකින් බස් එක පල්ලමට ගියා. මට සිහිය නැති වෙලා සිහිය එනකොට පොඩි ළමයෙක් කෑ ගහනවා ඇහුණා. මම එතැනට බඩ ගාගෙන ගිහින් උදව් ඉල්ලුවා”
