පාර්ලිමේන්තු මන්ත්රීවරයකුගේ සහෝදරයකු පාසල් සිසුන් 10 දෙනකුට පහර දුන් බවට අඟුරුවාතොට පොලිසියට පැමිණිල්ලක් ඉදිරිපත් වී ඇත.
මෙම පහරදීම සිදුකර ඇත්තේ කළුතර දිස්ත්රික්කයේ පාර්ලිමේන්තු මන්ත්රීවරයකුගේ සම්බන්ධීකරණ ලේකම්ව වශයෙන් කටයුතු කරන ඔහුගේ ම සහෝදරයා විසින් බව ද පවසයි.
එම සිසුන් ඔහුගේ නිවස ඉදිරිපිට සිටිමින් යම් තාලයකට අනුව නලා ශබ්ද කළා යැයි පවසමින් ඔවුන්ට වේවැලකින් පහර දී තිබේ. එම තාලය “කපුටු කාක් කාක්” යනුවෙන් හැඟවෙන බව ද පවසයි.
මෙම පාසල් දරුවන් කණ්ඩායම වෙසක් බලන්නට යමින් සිටිය දී අදාළ නිවස ඉදිරිපිට මෙලෙස නලා ශබ්ද කර ඇත.
පොලිසිය පවසන්නේ පැමිණිලි පාර්ශවය සහ විත්තිකාර පාර්ශවය පොලිසියට කැඳවා සිද්ධිය සමථයකට පත්කළ බවයි.
