මීගමුව බන්ධනාගාරය තුළ මෑතකදී ඇති වූ දරුණු ගැටුමෙන් තුවාල ලබා කොළඹ ජාතික රෝහලේ දැඩි සත්කාර ඒකකයේ ප්රතිකාර ලබමින් සිටි තවත් බන්ධනාගාර නිලධාරීන් දෙදෙනෙකු ජීවිතක්ෂයට පත්ව තිබේ. මේ සමඟ එම ගැටුම හේතුවෙන් මියගිය සමස්ත පුද්ගලයන් සංඛ්යාව 31ක් දක්වා ඉහළ ගොස් ඇති බව පොලීසිය පවසයි.
පොලීසිය සඳහන් කළේ එක් නිලධාරියෙකු ඊයේ (13) රාත්රියේ මියගොස් ඇති අතර, අනෙක් නිලධාරියා අද (14) අලුයම මියගොස් ඇති බවයි. මෙලෙස අවාසනාවන්ත ලෙස ජීවිතක්ෂයට පත්ව ඇත්තේ අම්බලන්තොට ප්රදේශයේ පදිංචිව සිටි 39 හැවිරිදි නිලධාරියෙකු සහ ලුණුගම්වෙහෙර ප්රදේශයේ පදිංචිව සිටි 25 හැවිරිදි නිලධාරියෙකි.
මෙම නවතම මරණ දෙකත් සමඟ මීගමුව බන්ධනාගාර ගැටුමෙන් ජීවිතක්ෂයට පත් වූ සමස්ත බන්ධනාගාර නිලධාරීන් සංඛ්යාව 10ක් දක්වා ඉහළ ගොස් ඇත. ජූලි මස 5 සහ 6 යන දෙදින තුළ බන්ධනාගාරයේ රැඳවියන් දෙපිරිසක් අතර ඇති වූ මෙම දරුණු ගැටුම හේතුවෙන් බන්ධනාගාර රැඳවියන් 21 දෙනෙකු ද මියගිය බව පොලීසිය මීට පෙර තහවුරු කළේය.
මෙම ගැටුමෙන් තුවාල ලැබූ තවත් බන්ධනාගාර රැඳවියන් සහ නිලධාරීන් පිරිසක් මේ වන විටත් කොළඹ ජාතික රෝහලේ සහ මීගමුව රෝහලේ නේවාසිකව ප්රතිකාර ලබමින් පසුවෙති.
